വെസ്റ്റ് ഇൻഡീസ് ബാറ്റർമാർ പഴങ്കഥയാക്കിയത് ചരിത്രം; 51 വർഷത്തിനിടെയിൽ ഇന്ത്യയിൽ ഇത് ആദ്യം

ഇന്ത്യ-വെസ്റ്റ് ഇൻഡീസ് രണ്ടാം ടെസ്റ്റ് അവസാന ദിനത്തിലേക്ക് കടക്കുകയാണ്. ആദ്യ ടെസ്റ്റിൽ അനായാസം വിജയിച്ച ഇന്ത്യക്ക് രണ്ടാം ടെസ്റ്റ് വിജയിക്കാൻ 58 റൺസ് കൂടി മതി. 121 റൺസ് പിന്തുടരാൻ ഇറങ്ങിയ ഇന്ത്യ കളി നിർത്തുമ്പോൾ 63 റൺസ് നേടിയിട്ടുണ്ട്. ആദ്യ ഇന്നിങ്സിൽ കൂറ്റൻ സ്‌കോർ നേടിയ യശസ്വി ജയ്സ്വാൾ എട്ട് റൺസ് നേടി പുറത്തായി. ജോമെൽ വാരിക്കനാണ് വിക്കറ്റ്. 25 റൺസുമായി കെഎൽ രാഹുലും 30 റൺസുമായി സായ് സുദർശനുമാണ് ക്രീസിൽ.

രണ്ടാം ഇന്നിങ്‌സിലെ വെസ്റ്റ് ഇൻഡീസിന്റെ മികച്ച ബാറ്റിങ്ങാണ് കളി അവസാന ദിവസം വരെ നീട്ടിയത്. രണ്ടാം ഇന്നിങ്സിൽ വെസ്റ്റ് ഇൻഡീസ് 390 റൺസിന് എല്ലാവരും പുറത്താകുകയായിരുന്നു. ജോൺ കാംബെൽ (115), ഷായ് ഹോപ്പ് (103) എന്നിവർ വിൻഡീസിനായി സെഞ്ച്വറി കുറിച്ചു. ഇരുവരും ചേർന്ന് മൂന്നാം വിക്കറ്റ് കൂട്ടുകെട്ടിൽ 177 റൺസ് കൂട്ടിച്ചേർത്താണ് വിൻഡീസിൻറെ ഇന്നിങ്‌സ് തോൽവി ഒഴിവാക്കിയത്. രണ്ടാം ഇന്നിങ്‌സിൽ രണ്ട് ബാറ്റർമാർ സെഞ്ച്വറി നേടിയതോടെ മറ്റൊരു അപൂർവ റെക്കോർഡും മത്സരത്തിൽ പിറന്നു.

അവസാന വിക്കറ്റിൽ ജെയ്ഡൻ സീൽസ് (32) ജസ്റ്റിൻ ഗ്രീവ്‌സ് (പുറത്താവാതെ 50) എന്നിവർ കൂട്ടിച്ചേർത്ത 79 റൺസാണ് വിൻഡീസിന് ലീഡ് സമ്മാനിച്ചത്. ഇന്ത്യയ്ക്ക് വേണ്ടി ജസ്പ്രീത് ബുംറ, കുൽദീപ് യാദവ് എന്നിവർ മൂന്ന് വിക്കറ്റ് വീതം വീഴ്ത്തിയപ്പോൾ മുഹമ്മദ് സിറാജ് രണ്ട് വിക്കറ്റും വീഴ്ത്തി. നേരത്തെ ഇന്ത്യ ഒന്നാം ഇന്നിങ്‌സിൽ അഞ്ചിന് 518 എന്ന നിലയിൽ ഡിക്ലയർ ചെയ്തിരുന്നു. വിൻഡീസ് മറുപടി ബാറ്റിംഗിൽ 248 റൺസാണ് നേടിയത്. പിന്നാലെ ഇന്ത്യ ഫോളോഓണിന് അയക്കുകയായിരുന്നു.

1974നുശേഷം ആദ്യമായാണ് വെസ്റ്റ് ഇൻഡീസിൻറെ രണ്ട് ബാറ്റർമാർ ഇന്ത്യയിൽ നടക്കുന്ന ടെസ്റ്റിൽ രണ്ടാം ഇന്നിങ്‌സിൽ സെഞ്ച്വറി നേടുന്നത്. 1974ലെ ബെംഗളൂരു ടെസ്റ്റിൽ വെസ്റ്റ് ഇൻഡീസിനായി ഗോർഡൻ ഗ്രീനിഡ്ജും ക്യാപ്റ്റൻ ക്ലൈവ് ലോയ്ഡുമായിരുന്നു രണ്ടാം ഇന്നിങ്‌സിൽ ഇതിന് മുമ്പ് ഇന്ത്യക്കെതിരെ ഒരുമിച്ച് സെഞ്ചുറി നേടിയ ബാറ്റർമാർ. ഗ്രീനിഡ്ജ് 208 പന്തിൽ 107 റൺസെടുത്തപ്പോൾ ക്ലൈവ് ലോയ്ഡ് 149 പന്തിൽ 163 റൺസാണ് സ്വന്തമാക്കിയത്. ടെസ്റ്റ് ചരിത്രത്തിൽ തന്നെ ഇത് മൂന്നാം തവണ മാത്രമാണ് രണ്ട് വിൻഡീസ് ബാറ്റർമാർ ഇന്ത്യയിൽ രണ്ടാം ഇന്നിങ്‌സിൽ ഇന്ത്യയിൽ വെച്ച് സെഞ്ച്വറിയടിക്കുന്നത്.

അവസാന വിക്കറ്റിൽ ജെയ്ഡൻ സീൽസ് (32) ജസ്റ്റിൻ ഗ്രീവ്സ് (പുറത്താവാതെ 50) എന്നിവർ കൂട്ടിച്ചേർത്ത 79 റൺസാണ് വിൻഡീസിന് ലീഡ് സമ്മാനിച്ചത്. ഇന്ത്യയ്ക്ക് വേണ്ടി ജസ്പ്രീത് ബുംറ, കുൽദീപ് യാദവ് എന്നിവർ മൂന്ന് വിക്കറ്റ് വീതം വീഴ്ത്തിയപ്പോൾ മുഹമ്മദ് സിറാജ് രണ്ട് വിക്കറ്റും വീഴ്ത്തി. നേരത്തെ ഇന്ത്യ ഒന്നാം ഇന്നിങ്സിൽ അഞ്ചിന് 518 എന്ന നിലയിൽ ഡിക്ലയർ ചെയ്തിരുന്നു. വിൻഡീസ് മറുപടി ബാറ്റിംഗിൽ 248 റൺസാണ് നേടിയത്. പിന്നാലെ ഇന്ത്യ ഫോളോഓണിന് അയക്കുകയായിരുന്നു.

Content Highlights- wi batters breaks 51 year old record